Korsijiet Sena Akkademika 2016-2017

Taħdita Pubblika: 450 Sena mit-Twelid ta' S. Marija Maddalena de' Pazzi

Ismu huwa Ħniena: Id-duttrina tal-ħniena f’Santa Marija Maddalena de’ Pazzi, Karmelitana.

Fl-okkażjoni tal-Ġublew tal-Ħniena u f'għeluq l-450 Sena mit-Twelid ta' Santa Marija Maddalena de' Pazzi, 

P. Charlò Camilleri, O.Carm., se jagħti taħdita dwar id-Duttrina tal-Ħniena f'din il-mistika Karmelitana, 

fis-Sala Madonna tal-Karmnu, B’Kara. 

Nhar is-17 ta’ Marzu fis-7.00pm

Penthos: Sogħba Mdemmgħa Tisfija tar-Ruħ

Fil-Mitoloġija Griega πένθος (penthos) huwa l-ispirtu tan-niket, tal-krib u tal-luttu. Fir-Rabta l-Ġdida nsibu din il-kelma Griega talanqas ħames darbiet fosthom fl-ittra ta’ Ġakbu 4:9 fejn iħeġġeġ biex il-ferħ nibdluh f’niket u luttu ħalli nduru lejn il-Mulej. Mela l-ispirtu tal-penthos iġib miegħu l-indiema u l-koverżjoni lejn Alla. Matul iż-żminijiet it-tradizzjoni nisranija, l-aktar dik tal-Lvant, żviluppat spiritwalità tal-penthos li tmur lil hemm milli wieħed jiddispjaċih u jitlob maħfra. Min jimxi skont dan l-ispirtu jasal għall-bidla sħiħa u radikali tal-qalb. Il-Prof. Martin Zammit, se jmexxina fl-ispirtu ta’ din il-forma ta’ ħajja spiritwali f’seminar imqassam fuq jumejn bejn il-Ġimgħa 11 u s-Sibt 12 ta’ Marzu.

Il-Prof. Martin R. Zammit Djaknu tal-Knisja Griega Kattolika f’Malta u Kap tad-Dipartiment tal-Istudji Orjentali fl-Università ta’ Malta iggradwa mill-istess Università bit-teżi: "A Comparative Lexical Study of Qur’anic Arabic" pubblikata fis-serje Brill’s Handbuch Der Orientalistik. Prof. Zammit huwa riċerkatur fil-qasam tal-ilsna Semitiċi bi speċjalizzazjoni fl- Għarbi u s-Sirjan. Huwa wkoll awtur ta' diversi pubblikazzjonijiet xjentifiċi.

Biex wieħed jieħu sehem f'dan is-seminar, jeħtieġ li jibbukkja minn qabel fuq: info@carmelitepriory.org

Għal min jixtieq hemm il-possibilità li s-sehem f'dan is-seminar jiġi akkreditat mill-Pastoral Formation Institute mal-Korsijiet offruti mill-Carmelite Institute Malta. Għall-akkreditazzjoni, minbarra l-attendenza għas-seminar tiżdied il-kitba ta' assignment.

Penthos: Sogħba Mdemmgħa, Tisfija tar-Ruħ

Sanskrit Spirituality Seminar

This seminar, which will span over two weekends, is open to the general public. Lectures will be delivered in English by Prof. Michael Zammit. The second weekend will follow from the first. As a Christian institution, the Carmelite Priory Mdina wishes to expose those who attend to the beauty of other non-Christian spiritualities and, thereby, help people appreciate and respect the diversity and validity of spiritual experiences.

Check our Facebook page for more information

Thomas Merton Seminar: 100 sena mit-Twelid

Is-sena 2015 timmarka għeluq il-100 sena mit-twelid ta’ Thomas Merton, Monaku Trappista, kittieb prolifiku u magħruf dwar il-ħajja spiritwali u mistika li ħalla marka fuq il-ħajja spiritwali ta’ ħafna fis-seklu għoxrin sa żmienna. Merton bl-esperjenza mistika tiegħu u b’kitbietu kien ukoll għodda li tmexxi ’l quddiem id-djalogu bejn it-tradizzjoni mistika nisranija u dik tal-Lvant Imbiegħed b’rabtiet mal-Buddiżmu, l-Induwiżmu u l-bqija. Merton kien ukoll attivist fejn tidħol il-promozzjoni tal-Paċi fid-dinja u b’kitbietu reġà tefgħalna ħarsitna dwar l-impatt politiku u soċjali tal-esperjenza mistika tal-bniedem magħqud ma’ Alla. Matul din is-sena saru diversi attivitajiet li fakkru dan il-ġgant tal-letteratura spiritwali u mistika fis-seklu għoxrin. Is-Soċjetà tad-Duttrina Nisranija flimkien mal-Carmelite Institute Malta se nfakkru lil Thomas Marton b’seminar bejn il-21 u t-22 ta’ Novembru bl-għan li niskopru mill-ġdid dan l-awtur u kitbietu li huma tant attwali għal żminijietna.

It-taħdidiet isiru skont il-ħtieġa ta' min jieħu sehem bil-Malti u bl-Ingliż. Min beħsiebu jieħu sehem jeħtieġlu jibbukkja post billi jikkuntattja l-organiżżaturi fuq info@carmelitepriroy.org jew carmeliteinstitute@gmail.com jew sdcmuseum@gmail.com

Għal aktar informazzjoni iċċekkjaw l-event page fuq facebook.

Thomas Merton Seminar

“I am no prophet, no seer, but...”

PROGRAMM

Is-Sibt 21 ta’ Novembru

10:00 am      Talb tal-Bidu

10:15 am      Thomas Merton il-Bniedem: Daħla Bijografika

                     Jürgen Cucciardi, O.Carm.

11:00 am      Pawsa

11:15 am      Qari individwali mill-kitbiet ta’ Thomas Merton

12:15 pm      Quddies

                     Jürgen Cucciardi, O.Carm.

1:15 pm        Ikel

3:00 pm        Thomas Merton Attivist Soċjali

                      Mario Gerada

3:45 pm         Pawsa

4:00 pm         Thomas Merton: A Film Biography

5:00 pm         Talb ta’ Konklużjoni

Il-Ħadd 22 ta’ Novembru

9:30 am         Talb tal-Bidu

9:45 am         Thomas Merton Kittieb

                      Natalino Camilleri, Sdc

10:30 am       Qari individwali mill-kitbiet ta’ Thomas Merton

11: 15 am      Pawsa

11:30 am       Qsim tal-Qari u r-Riflessjonijiet Personali fi gruppi

12:30 pm       Quddies

                      Charlò Camilleri, O.Carm.

1:30 pm         Ikel

3:00 pm         Thomas Merton il-Mistiku: L-Influss Karmelitan

                       Charlò Camilleri, O.Carm.

3:45 pm          Pawsa

4:00 pm          Film: The Many Storeys and the Last Days of Thomas Merton

5:00 pm          Adorazzjoni u Talb ta’ Konklużjoni